Repasamos as catro maneiras posibles:

1.- En primeiro lugar, os autobuses teñen a obriga de ter unha folla de reclamacións podendo deixar constancia nela a queixa.

Que pasa se non a teñen? Pois aparte de que é un feito que se pode denunciar e sancionar, na Estación de Autobuses na oficina de Monbus igualmente teñen a obriga de telo e poder deixar alí a nosa reclamación.

2º.- Tamén podemos e debemos poñer a reclamación directamente en Mobilidade a través do enderezo electrónico: mobilidade.coruna@xunta.gal

Esta maneira ten a vantaxe de que Mobilidade é coñecedora de primeira man dos feitos e de forma inmediata da reclamación. É importante poñer sempre o día, a liña e a frecuencia onde se produce a incidencia (por exemplo: “liña Cruce de Sarandón-Santiago”, sendo xoves 1 de maio ás 16:55 horas).

3º.- Igualmente a través do rexistro do Concello ou do rexistro xeral da Xunta da Galicia, utilizando o modelo xenérico PR004A.

4º.- En último lugar, as operadoras tamén teñen as súas caixas de correos ou  correos electrónicos de reclamacións, pero aconsellamos utilizar previamente os anteriores medios.

----------------------------------------------------------