A Ruta árbores con historia é unha iniciativa da Xunta de Galicia para poñer en valor as árbores e formacións senlleiras incluídas no catálogo Galego de Árbores Senlleiras, regulado polo Decreto 67/2007, do 22 de marzo. Catálogo do que forman parte numerosas especies que se atopan no noso concello, máis concretamente no Pazo de Santa Cruz de Ribadulla, considerado o pazo máis importante de Galicia a nivel botánico, e que forma parte da Ruta da camelia.