AXUDAS PARA O ESTUDO DO CONCELLO DE VEDRA CURSO 2026/2027 DESTINADAS A FAMILIAS VULNERABLES

Procedemento dispoñible na Sede Electrónica: PREMENDO AQUÍ 

DESCRICION

O obxecto das presentes bases é regular a convocatoria pública para a concesión de axudas de estudos destinadas a favorecer o acceso aos estudos nas etapas de infantil, primaria, ESO, bacharelato e formación profesional básica de familias en situación de vulnerabilidade do Concello de Vedra.

QUEN PODE SOLICITALA

Para ser persoa beneficiaria desta axuda é preciso cumprir os seguintes requisitos:

1. Cursar estudos nalgún dos seguintes centros de ensino para os que se solicita a axuda.
   
   1. INFANTIL E PRIMARIA: Todos os centros públicos do Concello de Vedra.
   2. ESO: CPI de Vedra.
   3. Formación Profesional básica: Calquera centro público de Galicia.
   4. BACHARELATO: Calquera centro público de Galicia.
   5. O alumnado con necesidades educativas especiais impidan a súa escolarización nun centro ordinario do municipio, poderá solicitar a axuda para a asistencia a un centro de educación especial de Galicia.
2. A idade do alumnado estará entre os 3 e os 25 anos, ambos incluídos.
3. Que a renda per cápita non supere os límites establecidos na base 6ª da presente convocatoria.
4. A persoa solicitante e a persoa beneficiaria da axuda deberán estar empadroados/as no Concello de Vedra no momento de presentación da solicitude e ser fillo/a dependente economicamente.
5. Cumprir os requisitos para obter a condición de persoa beneficiaria, recollidos nos  artigos 13 da Lei 38/2003, do 17 de novembro, xeral de subvencións e no artigo 10 da Lei 9/2007, do 13 de xuño, de subvencións de Galicia.
6. As axudas serán solicitadas polos representantes legais do alumnado: os pais/nais, titores/as e representantes legais. No caso de alumnado de entre 18 e 25 anos poderán facelo tamén as propias persoas beneficiarias.

COMO E ONDE FACER O PROCESO

1. Sede electrónica do Concello de Vedra: PREMENDO AQUÍ 
2. Rexistro Xeral do Concello de Vedra, de luns a venres, en horario de atención ao público (de 9:00 a 14:00 horas).
3. En calquera dos lugares previstos no artigo 16.4 da Lei 39/2015, de 1 de outubro, do procedemento administrativo común das administracións públicas (en adiante, LPACAP).

PRAZO DE PRESENTACIÓN DE SOLICITUDES

Aberto 20 DÍAS HÁBILES contados a partir do seguinte ao da publicación da convocatoria no Boletín Oficial da Provincia ( DO 15 DE XULLO AO 11 DE AGOSTO, AMBOS INCLUÍDOS)

DOCUMENTACION

•          Anexo I - Solicitude

•          Libro de familia ou certificado do Rexistro Civil do nacemento do alumnado.

•          Declaración da renda correspondente ao último exercicio fiscal (declaración de IRPF 2025) ou certificado de imputacións de IRPF.

•          Certificado ou xustificante da matrícula do curso escolar 2026/2027 expedido polo centro educativo ou resgardo de ter pagada a matrícula co selo bancario, de ser o caso, no que conste a identificación do alumnado e dos estudos.

•          Xustificante bancario de pago de aluguer ou hipoteca e de titularidade do contrato correspondente, do domicilio habitual do/a beneficiario/a. Entenderase como domicilio habitual aquel no que o alumnado estea empadronado.

•          Certificado de familia monoparental.

•          Certificado de familia numerosa.

•          Excepcionalmente, se a unidade familiar alega carecer de recursos, ou quere acreditar unha situación excepcional, imprevista ou de carácter de especial necesidade que afecte negativamente á situación familiar solicitarase informe do/da traballador/a social do departamento de servizos sociais comunitarios do Concello de Vedra.

•          Sentenza de separación ou divorcio e convenio regulador no que se determine a custodia e a pensión de alimentos e gastos extraordinarios.

•          Xustificante de titularidade de conta bancaria que deberá coincidir co nome da persoa solicitante.

•          Documentación acreditativa da condición de vítima de violencia de xénero.