Parroquia a parroquia: Santo André de Trobe

San Xián de Sales Santo André de Trobe San Mamade de Ribadulla
San Fins de Sales San Pedro de Sarandón San Pedro de Vilanova
Santo André de Illobre San Miguel de Sarandón Santa Cruz de Ribadulla
Santa Eulalia de Vedra San Cristovo de Merín A Ponte Ulla

Baixo o padroado de Sto.André, érguese a igrexa de fachada barroca. No interior está a lápida sepulcral de Nausto, bispo de Coimbra. Segundo transcrición do profesor M.Núñez, a lápida di así: “Aquí descansa tranquilo o bispo Nausto de feliz sorte, sacerdote ó que a fe alimentadora levou ós ceos...xace neste sepulcro o día 22 de novembro do ano 912. Sexa enviada para el unha piadosa oración”. No exterior do templo está o cruceiro de 1788 co reixado de ferro.

En Vilarpiñeiro ubícase o que poderíamos denominar “espacio museístico do artista Andrés Betetos”. Compóñeno a ermida dos Remedios (1858), as imaxes e un crucifixo no interior, o cruceiro (1866) e un escudo (1851) que presidía o obradoiro do mestre. Dna. Ceferina Pérez Porto conta que o seu bisavó era autodidacta e que empezou a traballar a madeira con navalla. Outras obras de Betetos son: un Neno Xesús na parroquial e outro na Corticela (Catedral de Santiago), así como o cruceiro en Lestedo. Andrés definíase como “Mestre escultor e pintor de Historia”.

En Paizás, viviu a súa nenez e mocidade o escritor Xosé María Castroviejo. Froito desas vivencias no val do Ulla, é o libro Memorias dunha terra.

Destacan as celebracións do Carme o domingo seguinte ó 16 de xullo, a romaría dos Remedios o último domingo de agosto e o entroido cos correos, xenerais e parrandas que constitúen unha singularidade da Ulla.